Aðrar útgáfur af skjalinu:
PDF
Word Perfect.
Þingskjal 1254, 143. löggjafarþing 568. mál: veiðigjöld (fjárhæð og álagning gjalda).
Lög nr. 47 26. maí 2014.
Alþingi kýs nefnd þingmanna úr öllum þingflokkum til að fjalla um fyrirhugaðar ákvarðanir veiðigjaldsnefndar um sérstakt veiðigjald. Störf í nefndinni eru ólaunuð.
Við álagningu sérstaks veiðigjalds á gjaldskyldan aðila skal álagning sem ekki nær 250.000 kr. felld niður og þá skulu 250.000 kr. dregnar frá reiknuðu gjaldi sem fer umfram þau mörk áður en til álagningar þess kemur.
a. (III.)
Þrátt fyrir ákvæði 1. málsl. 8. gr. og 1. mgr. 9. gr. skulu veiðigjöld á fiskveiðiárinu 2014/2015 vera sem hér segir, í krónum á hvert kíló aflamarks (slægðan afla og slitinn humar):
Af öðrum nytjastofnum en í töflunni greinir skal greiða 1 kr. í almennt veiðigjald.
Ráðherra skal vinna tillögur að endurskoðun þessara laga sem lagðar verði fram á Alþingi á löggjafarþinginu 2014–2015.
b. (IV.)
Þrátt fyrir ákvæði 13. gr., sbr. 1. málsl. 8. gr. og 1. mgr. 9. gr., skal fella niður álagningu almenns og sérstaks veiðigjalds á eftirfarandi tegundir:
Þrátt fyrir ákvæði 13. gr., sbr. 1. málsl. 8. gr. og 1. mgr. 9. gr., skal lækka álagt almennt og sérstakt veiðigjald vegna veiðiheimilda í kolmunna vegna almanaksársins 2014 um 50%.
Endurgreiða skal öll innheimt veiðigjöld skv. 1. mgr. og helming innheimts veiðigjalds skv. 2. mgr. innan tveggja mánaða frá gildistöku laga þessara.
Um álagningu og lokainnheimtu veiðigjalda á fiskveiðiárinu 2013/2014 fer þó samkvæmt ákvæðum laganna óbreyttum, sbr. lög um breytingu á þeim nr. 84/2013.
Þingskjal 1254, 143. löggjafarþing 568. mál: veiðigjöld (fjárhæð og álagning gjalda).
Lög nr. 47 26. maí 2014.
Lög um breytingu á lögum um veiðigjöld, nr. 74/2012, með síðari breytingum (veiðigjöld 2014/2015, afkomustuðlar).
1. gr.
5. gr. laganna orðast svo:Alþingi kýs nefnd þingmanna úr öllum þingflokkum til að fjalla um fyrirhugaðar ákvarðanir veiðigjaldsnefndar um sérstakt veiðigjald. Störf í nefndinni eru ólaunuð.
2. gr.
Í stað orðanna „afli hvers gjaldskylds aðila í þorskígildum“ í 1. mgr. 7. gr. laganna kemur: aflamagn hvers gjaldskylds aðila.3. gr.
2. mgr. 9. gr. laganna orðast svo:Við álagningu sérstaks veiðigjalds á gjaldskyldan aðila skal álagning sem ekki nær 250.000 kr. felld niður og þá skulu 250.000 kr. dregnar frá reiknuðu gjaldi sem fer umfram þau mörk áður en til álagningar þess kemur.
4. gr.
Í stað orðanna „hvert þorskígildi“ í 6. mgr. 14. gr. laganna kemur: það aflamagn.5. gr.
Eftirfarandi breytingar verða á ákvæði til bráðabirgða II í lögunum:- Í stað fiskveiðiársins „2017/2018“ í 1. og 2. mgr. kemur: 2016/2017.
- Á eftir orðinu „aflahlutdeildum“ í 1. mgr. kemur: sem einungis eru íslenskar.
- Við bætast tvær nýjar málsgreinar sem verða 6. og 7. mgr., svohljóðandi:
Niðurfelling skulda sem stofnað var til eftir 5. júlí 2012 hefur engin áhrif á rétt til lækkunar sérstaks veiðigjalds, enda skili umsækjandi um lækkun sérstaks veiðigjalds greinargerð til Fiskistofu um viðkomandi skuldaniðurfellingu ásamt öllum gögnum sem Fiskistofa telur nauðsynleg til þess að sannreyna stofntíma skuldarinnar. Ef um er að ræða endurfjármögnun á skuld sem var til staðar 5. júlí 2012 leiðir niðurfelling á henni til endurútreiknings skv. 6. mgr.
6. gr.
Við lögin bætast tvö ný ákvæði til bráðabirgða, svohljóðandi:a. (III.)
Þrátt fyrir ákvæði 1. málsl. 8. gr. og 1. mgr. 9. gr. skulu veiðigjöld á fiskveiðiárinu 2014/2015 vera sem hér segir, í krónum á hvert kíló aflamarks (slægðan afla og slitinn humar):
Almennt gjald | Sérstakt gjald | Alls | |
Blálanga | 4,58 | 2,21 | 6,79 |
Búrfiskur | 26,98 | 12,99 | 39,97 |
Djúpkarfi | 7,17 | 3,45 | 10,62 |
Grálúða | 12,75 | 6,14 | 18,89 |
Grásleppa | 4,21 | 2,03 | 6,24 |
Gullkarfi | 6,93 | 3,34 | 10,27 |
Gulllax | 2,43 | 1,17 | 3,60 |
Hlýri | 10,00 | 4,81 | 14,81 |
Humar | 23,69 | 11,40 | 35,09 |
Keila | 3,74 | 1,80 | 5,54 |
Kolmunni | 1,00 | 1,33 | 2,33 |
Langa | 5,93 | 2,85 | 8,78 |
Langlúra | 2,64 | 1,27 | 3,91 |
Litli karfi | 2,48 | 1,19 | 3,67 |
Loðna | 1,50 | 2,52 | 4,02 |
Lýsa | 3,33 | 1,60 | 4,93 |
Makríll | 2,32 | 3,92 | 6,24 |
Rækja | 1,00 | 0,00 | 1,00 |
Sandkoli | 1,38 | 0,66 | 2,04 |
Síld | 3,00 | 5,06 | 8,06 |
Skarkoli | 6,91 | 3,33 | 10,24 |
Skrápflúra | 1,29 | 0,62 | 1,91 |
Skötuselur | 15,62 | 7,52 | 23,14 |
Steinbítur | 9,57 | 4,61 | 14,18 |
Ufsi | 5,84 | 2,81 | 8,65 |
Úthafskarfi | 8,98 | 4,32 | 13,30 |
Ýsa | 12,28 | 5,91 | 18,19 |
Þorskur | 8,98 | 4,32 | 13,30 |
Þykkvalúra/Sólkoli | 16,86 | 8,11 | 24,97 |
Öfugkjafta | 1,09 | 0,15 | 1,24 |
Af öðrum nytjastofnum en í töflunni greinir skal greiða 1 kr. í almennt veiðigjald.
Ráðherra skal vinna tillögur að endurskoðun þessara laga sem lagðar verði fram á Alþingi á löggjafarþinginu 2014–2015.
b. (IV.)
Þrátt fyrir ákvæði 13. gr., sbr. 1. málsl. 8. gr. og 1. mgr. 9. gr., skal fella niður álagningu almenns og sérstaks veiðigjalds á eftirfarandi tegundir:
- Þorsk og meðafla hans í rússneskri og norskri lögsögu vegna almanaksársins 2014.
- Úthafskarfa sem veiddur er á ICES-svæði I og II (í Síldarsmugunni) vegna almanaksársins 2014.
- Dohrnbankarækju, úthafsrækju og rækju á miðunum við Snæfellsnes vegna fiskveiðiársins 2013/2014.
- Lindýr og skrápdýr vegna fiskveiðiársins 2013/2014.
Þrátt fyrir ákvæði 13. gr., sbr. 1. málsl. 8. gr. og 1. mgr. 9. gr., skal lækka álagt almennt og sérstakt veiðigjald vegna veiðiheimilda í kolmunna vegna almanaksársins 2014 um 50%.
Endurgreiða skal öll innheimt veiðigjöld skv. 1. mgr. og helming innheimts veiðigjalds skv. 2. mgr. innan tveggja mánaða frá gildistöku laga þessara.
7. gr.
Lög þessi öðlast þegar gildi. 2.–5. gr. og a-liður 6. gr. koma til framkvæmda við álagningu veiðigjalda á fiskveiðiárinu 2014/2015 sem hefst 1. september 2014.Um álagningu og lokainnheimtu veiðigjalda á fiskveiðiárinu 2013/2014 fer þó samkvæmt ákvæðum laganna óbreyttum, sbr. lög um breytingu á þeim nr. 84/2013.
Samþykkt á Alþingi 16. maí 2014.