Formennskuáætlun 2020

Norðurlöndin skiptast á að gegna formennsku í Norðurlandaráði. Árið 2020 er komið að Íslandi.

Í formennskuáætlun Íslands er lögð áhersla á að

• standa vörð um lýðræðið með því að berjast gegn upplýsingaóreiðu og falsfréttum sem grafa undan því,
• standa vörð um líffræðilegan fjölbreytileika sem ógnað er af loftslagsbreytingum, mengun og fleiri þáttum sem rekja má til starfsemi manna,
• treysta böndin milli Norðurlandabúa með því að efla tungumálakunnáttu innan Norðurlanda til að stuðla að því að þeir geti í sameiningu tekist á við þessi stóru verkefni.