Tilkynningar

Laust starf sérfræðings í stoðteymi

3.2.2023

Ertu fjölhæfur sérfræðingur sem hefur áhuga á störfum Alþingis? Skrifstofa Alþingis leitar að öflugum sérfræðingi til að sinna krefjandi og fjölbreyttum verkefnum í lifandi umhverfi. Um er að ræða stöðu í stoðteymi sem sinnir almennri ritaraþjónustu fyrir nefndir og fleiri einingar auk annarra verkefna. Teymið tók um áramót við nýjum verkefnum samhliða skipulagsbreytingum. Teymið vinnur þvert á svið og deildir skrifstofunnar í samstarfi við starfsfólk og stjórnendur. Einnig kemur til greina að ráða í tímabundna stöðu vegna afleysingar.

Helstu verkefni og ábyrgð

Almenn ritaraþjónusta þ.m.t. boðun fund og gesta
Miðlæg móttaka og skráning erinda og gagna
Þátttaka í skipulagningu og undirbúningi nefndastarfa Alþingis
Gerð samantekta, greiningarvinna og úrvinnsla upplýsinga
Önnur verkefni sem stoðteyminu eru falin

Hæfniskröfur

Háskólamenntun og starfsreynsla sem nýtist í starfi
Faglegur metnaður, jákvæðni og framúrskarandi samskiptahæfni
Frumkvæði, sjálfstæði og góð skipulagshæfni
Mjög gott vald á íslensku og ensku
Góð tölvufærni og þekking á skjalastjórn
Reynsla af teymisvinnu er kostur

Frekari upplýsingar um starfið

Laun samkvæmt gildandi kjarasamningi sem forseti Alþingis og Félag starfsmanna Alþingis hafa gert.

Umsókn skal fylgja ferilskrá og kynningarbréf þar sem umsækjandi rökstyður hæfni sína í starfið. Umsókninni skal einnig fylgja staðfesting á prófgráðum og upplýsingar um meðmælendur. Eingöngu verður tekið við rafrænum umsóknum í ráðningarkerfi Orra. Umsóknir gilda í sex mánuði frá því að umsóknarfrestur rennur út. Öllum umsóknum verður svarað þegar ákvörðun um ráðningu liggur fyrir.

Starfið hentar öllum kynjum og áhugasöm eru hvött til að sækja um. Skrifstofa Alþingis hefur hlotið jafnlaunavottun og starfar í samræmi við betri vinnutíma. Gildi skrifstofu Alþingis eru fagmennska, virðing og framsækni.

Starfshlutfall er 100%.

Umsóknarfrestur er til og með 15.02.2023.