Nýkjörinn umboðsmaður Alþingis boðinn velkominn
Forseti Alþingis, Steingrímur J. Sigfússon, og Ragna Árnadóttir, skrifstofustjóri Alþingis, heimsóttu í dag Skúla Magnússon, nýkjörinn umboðsmann Alþingis, og buðu hann velkominn til starfa.
Umboðsmaður Alþingis er kjörinn til fjögurra ára í senn og er Skúli Magnússon sá þriðji sem er kjörinn í embættið. Fyrstur var kjörinn Gaukur Jörundsson, sem stýrði embættinu frá stofnun þess, 1. janúar 1988, til ársloka 1999. Næstur var Tryggvi Gunnarsson, sem var kjörinn í embættið frá 1. janúar 2000. Embætti umboðsmanns Alþingis er til húsa í Þórshamri við Templarasund og þar starfa 17 manns.
Vefur umboðsmanns Alþingis
Forseti Alþingis, Steingrímur J. Sigfússon, og skrifstofustjóri, Ragna Árnadóttir, færðu Skúla Magnússyni, nýkjörnum umboðsmanni Alþingis, blómvönd um leið og þau buðu hann velkominn til starfa.