Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Steinunn Þóra Árnadóttir
6. þm. RN, Vg, SÞÁ
Steinunn Þóra Árnadóttir

   
Steingrímur J. Sigfússon

Steingrímur J. Sigfússon

Fæddur á Gunnarsstöðum í Þistilfirði 4. ágúst 1955. Foreldrar: Sigfús A. Jóhannsson (fæddur 5. júní 1926, dáinn 2. ágúst 2007) bóndi þar og Sigríður Jóhannesdóttir (fædd 10. júní 1926, dáin 15. október 2007) húsmóðir. Maki (18. janúar 1985): Bergný Marvinsdóttir (fædd 4. desember 1956) læknir. Foreldrar: Marvin Frímannsson og Ingibjörg Helgadóttir. Börn: Sigfús (1984), Brynjólfur (1988), Bjartur (1992), Vala (1998).

Stúdentspróf MA 1976. B.Sc.-próf í jarðfræði HÍ 1981. Próf í uppeldis- og kennslufræði HÍ 1982.

Vörubifreiðarstjóri á sumrum 1978-1982. Við jarðfræðistörf og jafnframt íþróttafréttamaður hjá RÚV 1982-1983. Landbúnaðar- og samgönguráðherra 28. september 1988 til 30. apríl 1991. Sjávarútvegs- og landbúnaðarráðherra 1. febrúar 2009 til 10. maí 2009. Fjármálaráðherra 1. febrúar 2009 til 31. desember 2011. Efnahags- og viðskiptaráðherra og sjávarútvegs- og landbúnaðarráðherra 31. desember 2011 til 31. ágúst 2012. Fór með iðnaðarráðuneytið í fæðingarorlofi Katrínar Júlíusdóttur 6. júlí til 1. september 2012. Atvinnuvega- og nýsköpunarráðherra 1. september 2012, lausn 28. apríl 2013 en gegndi störfum til 23. maí 2013. Höfundur nokkkurra bóka.

Fulltrúi nemenda í skólaráði MA 1975-1976. Í stúdentaráði HÍ 1978-1980. Hefur sinnt ýmsum trúnaðarstörfum innan ungmenna- og íþróttahreyfingarinnar. Í stjórnarnefnd Ríkisspítalanna 1983-1987. Kjörinn 1984 í samstarfsnefnd með Færeyingum og Grænlendingum um sameiginleg hagsmunamál. Sat þing Alþjóðaþingmannasambandsins 1984 og 1986. Í Vestnorræna þingmannaráðinu 1985-1988 og 1991-1995. Varaformaður Alþýðubandalagsins 1989-1995. Sat á allsherjarþingi Sameinuðu þjóðanna 1991 og 2007. Formaður flokkahóps vinstri sósíalista í Norðurlandaráði 1998-2000 og flokkahóps vinstri sósíalista og grænna 2015-2017. Formaður norræna ráðsins um málefni fatlaðra 1999-2000. Formaður í jafnréttisnefnd Evrópuráðsþingsins 2008-2009. Formaður Vinstrihreyfingarinnar - græns framboðs frá stofnun flokksins í febrúar 1999 til febrúar 2013. Í stjórnarskrárnefnd 2005-2007.

Alþingismaður Norðurlands eystra 1983-2003 (Alþýðubandalagið, þingflokkur óháðra, Vinstrihreyfingin - grænt framboð), alþingismaður Norðausturkjördæmis síðan 2003 (Vinstrihreyfingin - grænt framboð).

Formaður þingflokks Alþýðubandalagsins 1987-1988.

Landbúnaðar- og samgönguráðherra 1988-1991, fjármála-, sjávarútvegs- og landbúnaðarráðherra 2009, fjármálaráðherra 2009-2011, efnahags- og viðskiptaráðherra og sjávarútvegs- og landbúnaðarráðherra 2011-2012, atvinnuvega- og nýsköpunarráðherra 2012-2013.

4. varaforseti Alþingis 2013-2016. Forseti Alþingis 2016-2017. 1. varaforseti Alþingis 2017, starfsforseti 2017 og forseti Alþingis síðan 2017.

Sjávarútvegsnefnd 1991-1998 (formaður 1995-1998), efnahags- og viðskiptanefnd 1991-1999 og 2013-2015, félagsmálanefnd 1999-2003, utanríkismálanefnd 1999-2009, sérnefnd um stjórnarskrármál 2004-2005, velferðarnefnd 2015-2016 og 2017.

Íslandsdeild Vestnorræna ráðsins 1991-1995, Íslandsdeild Norðurlandaráðs 1996-2005, 2006-2007, 2013-2016 og 2017, Íslandsdeild Evrópuráðsþingsins 2007-2009, nefnd Evrópuráðsþingsins um jöfn tækifæri kvenna og karla 2008-2009 (formaður).


Höfundur bókanna Róið á ný mið, Sóknarfæri íslensks sjávarútvegs, 1996, Við öll. Íslenskt velferðarsamfélag á tímamótum, 2006, Steingrímur J. Frá hruni og heim, 2013. Hefur auk þess ritað fjölda blaða- og tímaritsgreina.


Síðast breytt 15.04.2020. Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur



Símanúmer

Á lögheimili: 468-1258
Aðrir símar: 563-0500

Þingstörf
2. þm. NA , Vinstri-gr., SJS

Embætti:

Forseti
Alþingis

Nefndasetur:

Forsætisnefnd
Þingskapanefnd

Hagsmunaskráning

Curriculum Vitae in English




Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.