Á forsíðu
Þingmál
Þingmenn
Þingfundir
Ræður
Lagasafn
Þingnefndir
Alþjóðastarf
Bein útsending


Næst í nærmynd
Vilhjálmur Árnason
9. þm. SU, S, VilÁ
Vilhjálmur Árnason

   
Svanfríður Jónasdóttir

Svanfríður Jónasdóttir

Fædd í Keflavík 10. nóvember 1951. Foreldrar: Jónas Sigurbjörnsson (fæddur 8. júní 1928, dáinn 18. október 1955) vélstjóri og kona hans Elín Jakobsdóttir (fædd 24. október 1932, dáin 9. maí 1996) verkakona. Maki 1 (27. júlí 1973): Björn Grímsson (fæddur 27. júlí 1950). Þau skildu. Foreldrar: Grímur Björnsson og kona hans Margrét Oddgeirsdóttir. Maki 2 (26. desember 1976): Jóhann Antonsson (fæddur 31. maí 1946) viðskiptafræðingur. Foreldrar: Anton Baldvinsson og kona hans Lilja Tryggvadóttir. Synir Svanfríðar: Pétur (1971), Kristján Eldjárn (1975), Jónas Tryggvi (1979).

Kennarapróf KÍ 1972. Stúdentspróf KÍ 1973. Dipl.Ed. KHÍ 2004. M.Ed. KHÍ 2005. Hagnýt jafnréttisfræði HÍ 2014.

Kennari við Grunnskólann í Dalvík 1974-1988 og 1991-1995, aðstoðarskólastjóri 1992-1993. Stofnaði saumaverkstæðið Gerplu á Dalvík árið 1986 og tók þátt í rekstri þess til 1988. Aðstoðarmaður fjármálaráðherra 1988-1991. Tók þátt í uppbyggingu námsvers á Dalvík 2004–2006. Blaðamaður 2005–2006. Bæjarstjóri/sveitarstjóri í Dalvíkurbyggð 2006-2014. Stofnaði ráðgjafafyrirtækið Ráðrík ehf. 2015.

Bæjarfulltrúi á Dalvík 1982-1990 og 1994-1998, forseti bæjarstjórnar 1988 og 1994-1995. Í fyrstu stjórn Menningarsjóðs Svarfdæla 1984-1986. Varaformaður Alþýðubandalagsins 1987-1989. Í forystu Samninganefndar ríkisins 1989-1991. Í auðlindanefnd forsætisráðherra 1998–2000, nefnd sjávarútvegsráðuneytis til að gera úttekt á gildi fiskmarkaða 2001-2002, í nefnd iðnaðarráðuneytis um flutning raforku 2003–2004. Í útvarpsráði 2003-2007. Í stjórn Íslenskra orkurannsókna, ÍSOR, 2003-2015. Í útvarpsráði 2003-2007. Í framtíðarhópi Samfylkingarinnar 2003–2005. Formaður stjórnar RHA 2005–2006, formaður verkefnisstjórnar vegna rannsókna á samfélagsáhrifum stórframkvæmda á Austurlandi 2006–2011, oddviti héraðsnefndar Eyjafjarðar og í héraðsráði 2006–2010, í stjórn Símenntunarmiðstöðvar Eyjafjarðar, Símey, 2006-2012, í stjórn Atvinnuþróunarfélags Eyjafjarðar 2006–2014 og í stjórn Lánasjóðs sveitarfélaga 2006-2014. Formaður verkefnisstjórnar 2. áfanga rammaáætlunar um vernd og nýtingu vatnsafls og jarðvarma 2007–2011. Varafulltrúi í háskólaráði Háskólans á Akureyri 2008–2010, aðalfulltrúi frá 2010. Í stjórn Menningarfélagsins Berg ses. frá 2009 og í nefnd um endurskoðun á lögum um stjórn fiskveiða (sáttanefndinni) 2009–2010. Í auðlindastefnunefnd forsætisráðherra 2011–2012. Formaður stjórnar Samtaka sjávarútvegssveitarfélaga 2012-2014.

Alþingismaður Norðurlands eystra 1995-2003 (Þjóðvaki - hreyfing fólksins, þingflokkur jafnaðarmanna, Samfylkingin).

Varaþingmaður Norðurlands eystra apríl 1984, mars 1990 (Alþýðubandalag).

Formaður þingflokks Þjóðvaka 1995-1996.

Sjávarútvegsnefnd 1995-2003, sérnefnd um stjórnarskrármál 1995, menntamálanefnd 1996-2000, iðnaðarnefnd 2000-2003.

Íslandsdeild Vestnorræna ráðsins 1999-2003.



Síðast breytt 15.04.2020. Upplýsingar um nefndarstörf ná aftur til ársins 1991 (115. löggjafarþing). Sjá annars nefndasetur





Þingmenn í stafrófsröð

Skammstafanir í æviágripum



Öllum fyrirspurnum, ábendingum og tillögum um
vef Alþingis skal beint til ritstjóra vefs Alþingis.