Lagasafn.  Íslensk lög 15. október 2021.  Útgáfa 151c.  Prenta í tveimur dálkum.

---

[Lög um lánasýslu ríkisins]¹⁾

1990 nr. 43 16. maí

---

    ¹⁾L. 138/2007, 10. gr.
Ferill málsins á Alþingi.    Frumvarp til laga.

Tóku gildi 22. maí 1990. Breytt með: L. 83/1997 (tóku gildi 6. júní 1997). L. 138/2007 (tóku gildi 1. jan. 2008). L. 126/2011 (tóku gildi 30. sept. 2011). L. 91/2019 (tóku gildi 1. jan. 2020 nema 133. gr. sem tók gildi 16. júlí 2019).

Ef í lögum þessum er getið um ráðherra eða ráðuneyti án þess að málefnasvið sé tilgreint sérstaklega eða til þess vísað, er átt við fjármála- og efnahagsráðherra eða fjármála- og efnahagsráðuneyti sem fer með lög þessi. Upplýsingar um málefnasvið ráðuneyta skv. forsetaúrskurði er að finna hér.

---

1. gr.
[[Ráðherra] ¹⁾ fer með lántökur ríkissjóðs og ríkisstofnana innan lands og utan, útgáfu og sölu ríkisskuldabréfa á innlendum markaði og aðra skuldaumsýslu fyrir ríkissjóð, svo og endurlán lánsfjár, ríkisábyrgðir og Ríkisábyrgðasjóð.] ^{2)
    1)}L. 126/2011, 139. gr. ²⁾L. 138/2007, 1. gr.
2. gr.
[Lánasýsla ríkisins skal stefna] ¹⁾ að eftirfarandi meginmarkmiðum:
    1. Halda erlendum og innlendum vaxta- og fjármagnskostnaði ríkisins í lágmarki.
    2. Dreifa gengis-, vaxta- og verðlagsáhættu vegna skulda ríkisins á sem hagkvæmastan hátt.
    3. Draga úr áhættu ríkissjóðs vegna ábyrgða og endurlána.
    4. Efla markað fyrir ríkisverðbréf á innlendum fjármagnsmarkaði með kynningu og þjónustu.
    5. Efla lánstraust íslenska ríkisins á erlendum lánsfjármörkuðum og bæta þannig lánskjör þjóðarinnar erlendis.
    ¹⁾L. 138/2007, 2. gr.
[3. gr.]¹⁾
[Ráðherra] ²⁾ semur fyrir hönd ríkissjóðs um lán, endurlánar fé og veitir ábyrgðir … ³⁾ innan heimilda sem Alþingi veitir hverju sinni.
[Ráðherra] ²⁾ er heimilt í nafni ríkissjóðs að taka lán og endurlána fé í stað sjálfskuldarábyrgðar ríkissjóðs skv. 1. mgr., að hluta eða öllu leyti, enda sé það fyrirkomulag tryggara fyrir ríkissjóð.
    ¹⁾L. 138/2007, 3. gr. ²⁾L. 126/2011, 139. gr. ³⁾L. 138/2007, 4. gr.
[4. gr.]¹⁾
[Ráðherra] ²⁾ fyrir hönd ríkissjóðs er heimilt að endurfjármagna innlendar og erlendar skuldir fyrir gjalddaga þegar hagstæðari kjör bjóðast. Einnig er [ráðherra] ²⁾ heimilt að taka fyrir hönd ríkissjóðs erlend skammtímalán til endurgreiðslu áður tekinna erlendra skammtímalána eða breyta sömu skammtímaskuldum í föst lán.
[Ráðherra] ²⁾ er heimilt fyrir hönd ríkissjóðs að selja ríkisvíxla á innlendum markaði til endurgreiðslu áður útgefinna ríkisvíxla og til að bæta stöðu ríkissjóðs á aðalviðskiptareikningi hans í Seðlabankanum.
Enn fremur er [ráðherra] ²⁾ fyrir hönd ríkissjóðs heimilt að breyta gjaldmiðlum og/eða vaxtakjörum á erlendum lánum með sérstökum samningum, enda felist ekki nýjar lántökur í slíkum breytingum.
[Ráðherra] ²⁾ skal árlega upplýsa Alþingi um notkun þessara heimilda.
Heimilt er að kveða nánar á um ákvæði þessarar greinar í reglugerð.
    ¹⁾L. 138/2007, 3. gr. ²⁾L. 126/2011, 139. gr.
[5. gr.]¹⁾
[Ráðherra] ²⁾ skal hafa eftirlit með lántökum aðila sem ríkisábyrgðar njóta á skuldbindingum sínum og vera ráðgefandi um skuldstýringu þeirra.
Skylt er þeim aðilum, er hyggjast taka lán erlendis og ríkisábyrgðar njóta á erlendum skuldbindingum, að kynna þau áform sín fyrir [ráðherra] ²⁾ og leita eftir fyrir fram samþykki á þeim kjörum og skilmálum sem þeir hyggjast semja um.
    ¹⁾L. 138/2007, 3. gr. ²⁾L. 126/2011, 139. gr.
[6. gr.]¹⁾
Heimilt er að [fela þar til bærum opinberum aðila, einum eða fleiri, að annast] ²⁾ framkvæmd … ³⁾ lánamála, ríkisábyrgða- og endurlánamála, svo og önnur verkefni sem [[ráðherra] ⁴⁾ fer með samkvæmt lögum þessum] ³⁾ eftir því sem hagkvæmt þykir.
    ¹⁾L. 138/2007, 3. gr. ²⁾L. 91/2019, 133. gr. ³⁾L. 138/2007, 7. gr. ⁴⁾L. 126/2011, 139. gr.
[7. gr.]¹⁾
Nánari ákvæði um framkvæmd laga þessara … ²⁾ má setja með reglugerð. ^{3)
    1)}L. 138/2007, 3. gr. ²⁾L. 138/2007, 8. gr. ³⁾Rg. 237/1998.
[8. gr.]¹⁾
Lög þessi öðlast þegar gildi. …
    ¹⁾L. 138/2007, 3. gr.
[Ákvæði til bráðabirgða.
[Ráðherra] ¹⁾ tekur við almennum réttindum og skyldum Lánasýslu ríkisins og við samningum við þriðja aðila eftir því sem við getur átt samkvæmt ákvæðum laga þessara.] ^{2)
    1)}L. 126/2011, 139. gr. ²⁾L. 138/2007, 9. gr.