Þriðjudaginn 21. maí tekur Albert Guðmundsson sæti á Alþingi sem varamaður fyrir Guðlaug Þór Þórðarson.

Forseti Alþingis bauð þingmönnum og starfsmönnum skrifstofu Alþingis til fundar í Skála 17. maí til að fara yfir nokkur sameiginleg verkefni sem ofarlega eru á baugi.

Föstudaginn 17. maí tók Lilja Alfreðsdóttir sæti á ný á Alþingi.

Mánudaginn 20. maí um kl. 16:30 (að lokinni sérstakri umræðu um stöðu Landsréttar) verður sérstök umræða um tækifæri garðyrkjunnar. Málshefjandi er Ásmundur Friðriksson og til andsvara verður ferðamála-, iðnaðar- og nýsköpunarráðherra, Þórdís Kolbrún R. Gylfadóttir.

Mánudaginn 20. maí um kl. 15:45 verður sérstök umræða um stöðu Landsréttar. Málshefjandi er Þórhildur Sunna Ævarsdóttir og til andsvara verður dómsmálaráðherra, Þórdís Kolbrún R. Gylfadóttir.

Óundirbúnar fyrirspurnir til ráðherra verða á dagskrá við upphaf þingfundar mánudaginn 20. maí kl. 15:00. Þá verða til svara forsætisráðherra, mennta- og menningarmálaráðherra og sjávarútvegs- og landbúnaðarráðherra.

Óundirbúnar fyrirspurnir til ráðherra verða á dagskrá við upphaf þingfundar miðvikudaginn 22. maí kl. 15:00. Þá verða til svara fjármála- og efnahagsráðherra, heilbrigðisráðherra, ferðamála-, iðnaðar- og nýsköpunarráðherra og dómsmálaráðherra, félags- og barnamálaráðherra og umhverfis- og auðlindaráðherra.

Steingrímur J. Sigfússon, forseti Alþingis, er í opinberri heimsókn í Svíþjóð 14.-16. maí 2019 í boði Andreasar Norlén, forseta sænska þingsins. Með forseta í för eru varaforsetarnir Þorsteinn Sæmundsson og Bryndís Haraldsdóttir, ásamt Helga Bernódussyni, skrifstofustjóra Alþingis, og Jörundi Kristjánssyni, forstöðumanni forsetaskrifstofu.

Samkvæmt starfsáætlun Alþingis verða nefndadagar fimmtudaginn 16. maí og föstudaginn 17. maí.