Óháðir bændur

Óháðir bændur buðu fram í landskjöri og kjördæmakjöri 1916 og hlutu tvo þingmenn. Að stofnun flokksins stóðu samtök bænda, einkum á Suðurlandi. Einnig tengdist flokkurinn nýrri stjórnmálahreyfingu sem átti rætur í ungmennafélögum og landvarnarstefnunni. Síðar sama ár tóku Óháðir bændur þátt í stofnun Framsóknarflokksins.

Æviágrip þingmanna: 2

1. Sigurður Jónsson fæddur 1852. Landskjörinn alþingismaður 1916—1926 (Óháðir bændur, Framsóknarflokkur). Atvinnumálaráðherra 1917—1920.
2. Sveinn Ólafsson fæddur 1863. Alþingismaður Suður-Múlasýslu 1916—1933 (Óháðir bændur, Framsóknarflokkur).